Иван Дмитриевич Никитин (Юркки Иванӗ) ҫуралнӑранпа 145 ҫул ҫитрӗ
📅Паян июнӗн 17-мӗшӗнче Иван Дмитриевич Никитин (Юркки Иванӗ) ҫуралнӑранпа 145 ҫул ҫитрӗ. Вӑл 1881 ҫулта пирӗн Муркаш районӗнчи Купӑрля ялӗнче ҫуралнӑ.
✍Шӑматри пуҫламӑш шкултан вӗренсе тухнӑ хыҫҫӑн Хусанти тӗн семинарийӗнче вӗреннӗ. Кайран Хусан университетӗнче пӗлу пухма тытӑннӑ. Ҫемьери лару-тӑрӑва кура ӑна вӗренсе пӗтереймен.
Священник пулнӑ, Чӑваш АССР Кӗнеке палатинче классификатор пулса, воспитательте, преподавательте ӗҫленӗ. 1932 - 1945 ҫулсенче Шупашкар типографийӗнче корректорта тӑрӑшнӑ. Кайран Чӑваш АССР Министрсен Канашӗ ҫумӗнчи чӗлхе, литература, истори тата экономика наукӑпа тёпчев институчӗн (халӗ Чӑваш патшалӑх ӑслӑлӑх наукисен институчӗ) архивӗнче вӑй хунӑ.
✍Чӑваш халӑхӗн историиӗпе культурин тӗпчев ӗҫӗсен авторӗ. Хӑйӗн статйисене Юркки Иванӗ псевдонимпа "Хыпар", "Канаш" хаҫатсенче, "Атӑл юрри", "Илемлӗ литература", "Шурӑмпуҫ", "Хатӗр пул", "Сунтал", "Тӑван Атӑл" журналсенче пичетлесе кӑларнӑ.
✍Иван Дмитриевич паллӑ синолог-ученӑй, Китай тӗпчев ӗҫӗсене пуҫарса яраканӗ. Н.Я. Бичурин пирки чӑваш пичетӗнче пӗрремӗш хут пичетлесе кӑларнӑ.